Números é un libro para nenas e nenos de 0 a 6 anos que permite un achegamento lúdico ao mundo dos números mediante a estimulación dos sentidos do tacto e da vista.

O libro propón unha experiencia de lectura compartida en familia e promove interaccións diferentes que dean alento á imaxinación das nenas e nenos, xa sexa contando os buracos cos dedos, pasando as páxinas, ou despregándoas e creando un espazo de xogo e sorpresa.

Números é un libro para dar a coñecer a creatividade e os mundos infinitos que agochan as cifras, para aprender primeiro a contar as follas dun trevo e querer despois contar as estrelas e o imposible.

Idiomas: inglés, galego, castelán, alemán, francés, italiano, chino, xaponés e coreano.

Ficha técnica